agosto 2008

a. XIV, n. 4  [80]

 

 

Aneddoti berchiddesi

di Tonino Fresu

torna a

 AGOSTO 2008

SA LANDE E S'AMORE

Una bella femina isposada una die andeit a coglire lande. Daghi aiat fattu su arriu arriveit su padronu de sa tanca.

- Como lassa sa lande in cue, chi mi bisonzat a su bestiamine; la so puru comporende.

Sa femina l'affronteit dezisa.

- No est justu, custa no est cosa chi l'azis fatta bois, custa l'at posta Ges Cristu ed est de totu, e tando est puru sa mia.

S'omine no cherfeit brigare, anzis s'abbaideit sa femina, una femina bella e prospera e li neit.

- Tando, a bonu contu, tue deves esser de totu? Invece isco chi sa bellesa tua e s'amore las dadu a maridu tou, insomma a chie est piacchidu a tie.

- B, - neit sa famina - forsi no azis totu su tortu.

- Giughedila, dadu chi l'as accolta, ma no che torres!

Sa femina si ch' istejeit e, coment'est in sa natura sua, no si deit pro insa. Si gireit:

- Nade, a cantu la sezis paghende chi bos l'atto istasera.

- Diaulu chi t'at fatta, si ti sigo ti la leo. Anda, fin a chi ses in tempus.

Su sera sa femina bi mandeit un'atera pessone e endeit sa lande a su padronu, chi bi la pagheit. Mischinu, corrudu e fustigadu!